سیالکوٹ۔16جولائی (اے پی پی) وزیراعظم شہباز شریف آکھیا ج?? میرٹ دی پالیسی پاکستان کوں عظیم ملک ٻݨیسی، عوام فی فلاح تے بہبود اساݙی پہلی ترجیح اے، کوئی قوم تریمتیں دے بغیر ترقی ??ی کر سڳدی۔ عوام ولا موقع ݙتا تاں ہر طالب علم کوں لیپ ٹاپ ݙیسوں۔ آئی ایم ایف نال معاہدے پاروں روپے دی قدر ٹک ڳی اے، پٹرول دے نرخاں اچ ڳھٹکی کر تے عوام کوں ریلیف ݙتے، معیشت مضبوط تھیسی تاں قرضہ لہسی۔ آݙت وار کوں گورنمنٹ کالج ویمن یونیورسٹی سیالکوٹ اچ لیپ ٹاپ سکیم دی تقریب توں وزیراعظم محمد شہباز شریف خطاب کریندیں ہوئیں آکھیا ج?? پاکستان دی ہونہار ٻالڑیاں نال مل تے خوشی تھئی اے۔ خواجہ آصف نال میݙی رقابت گورنمنٹ کالج دے دور طالب علمی توں اے، وزیراعظم یوتھ پروگرام دے تحت طالبات کوں لیپ ٹاپ ݙیوݨ انہاں دی قابلیت دا اعتراف اے، اے کوئی احسان نی، میرٹ تے تساں کوں اے لیپ ٹاپ ݙتے ڳن ایندے اچ کوئی سف??رش نی ݙٹھی ڳی ۔ انہاں آکھیا ج?? لیپ ٹاپ دی تقسیم دا منصوبہ 2011ء اچ شروع تھیا ات?? میرٹ تے پنجاب دے علاوہ ٻے صوبیاں دے طالب علماں کوں وی لیپ ٹاپ ݙتے ڳے۔ انہاں آکھیاجو ہک لکھ لیپ ٹاپ دی تقسیم دا منصوبہ 2022-23 دا اے۔ ایں مالی سال اچ ہک لکھ لیپ ٹاپ ٻے ݙیوݨ دا منصوبہ اے۔ وزیراعظم ایں موقع تے ہونہار طالبات اچ لیپ ٹاپ وی تقسیم کیتے۔ تقریب توں وزیر دفاع خواجہ محمد آصف، چیئرمین ہائر ایجوکیشن کمیشن ڈاکٹر مختار احمد وی خطاب کیتا، ایں موقع تے اراکین قومی اسمبلی وی موجود ہن۔
