نگراں وزیرِ اعظم دی اڳواݨی اچ اجلاس، پٹرولیم مصنوعات دا مل ݙھاوݨ دے اثرات لوکاں تئیں پڄاوݨ دی ہدایت

اسلام آباد۔23اکتوبر(اے پی پی)نگراں وزیرِ اعظم انوار الحق کاکڑ آکھیے جو ڈالر دی قیمت کھڑݨ اتے پٹرولیم مصنوعات دا ملھ ݙھاوݨ نال کل 41 ارب روپے دی بچت تھئی اے جیندا ریلیف عام لوکاں تئیں پڄݨا چاہیدے، ایں سانڳے اقدامات تیز کیتے ونڄن، ذخیرہ اندوزاں، منافع خوراں نال سخٹی نال نمٹیا ونڄے، سمگلراں اتے بجلی چوراں کوں کوئی رعایت نہ ݙتی ونڄے۔ او اسلام آباد اچ اجلاس دی اڳواݨی کریندے پئے ہن جیندے اچ پٹرولیم مصنوعات دا ملھ ڳھٹݨ دے اثرات عام لوکان تئیں پچاوݨ اتے شئیں دا ملھ ڳھٹاوݨ کیتے اقدامات دا جائزہ ڳھدا ڳئے۔ اجلاس اچ نگراں وفاقی وزراء مرتضیٰ سولنگی، گوہر اعجاز، کوثر عبداللہ ملک، سمیع سعید، محمد علی اتے متعلقہ اعلیٰ حکام شرکت کیتی۔ نگراں وزراء اعلیٰ محسن نقوی، جسٹس (ر) مقبول باقر، اعظم خان، چارے صوبیاں دے چیف سیکرٹریز اتے متعلقہ اعلیٰ حکام وڈیو لنک تے شرکت کیتی۔ اجلاس اچ سارے صوبیاں اچ کھاوݨ پیوݨ اتے عام استعمال دیاں دیاں شئیں اتے قومی سطح تے مہنگائی دے تناسب اچ کمی دے اشاریے ݙسائے ڳن۔ وزیراعظم ٹرانسپورٹ کرایاں اچ کمی، اشیاءِ ضروریہ دا ملھ ڳھٹاوݨ، زرعی پیداوار، بجلی اتے صنعتی پیداوار دیاں قیمتاں اچ کمی کیتے متعلقہ اداریاں کوں فعال ٻݨاوݨ، مارکیٹاں دے جائزے کیتے فوری اقدامات دا آکھیا۔ وزیراعظم ہدایت کیتی جو پٹرول دا ملھ 12.38 فیصد اتے ڈیزل دی قیمت اچ 4.7 فیصد کمی دے فوائد عام آدمی تئیں تیکھے پچائے ونڄن۔

مضمون کا ماخذ : میٹھا بونانزا

متعلقہ مضامین