پاکستان ترکی دے بھرپی آلے تعلقات ݙوہیں ملکاں دے عوام دے دلاں اچ وسدن ،صدر ڈاکٹر عارف علوی

اسلام آباد۔23جون (اے پی پی):صدر مملکت ڈاکٹر عارف علوی آکھیے جو پاکستان ترکی دے بھرپی آلے تعلقات ݙوہیں ملکاں دے عوام دے دلاں اچ وسدن، ݙوہیں قوماں مشترکہ سماجی، ثقافتی تے مذہبی اقدار تے مبنی مثالی دوستانہ تعلقات دے حامل ہن۔ اے ڳالھ انہاں پاکستان اچ ترکی دے سبکدوش تھیوݨ آلے سفیر احسان مصطفیٰ یرادکل ںال ملاقات اچ آکھی اے جنہاں خمیس کوں اتھاں الوداعی ملاقات کیتی۔صدر مملکت آکھیے جو ݙوہیں قوماں اچ مشترکہ سماجی، ثقافتی تے مذہبی اقدار تے مبنی مثالی دوستانہ تعلقات دی حامل ہن ۔ امید اے جو سانجھے طور تے فیدہ مند کثیر الجہتی تعلقات مستقبل اچ وی مضبوط توں مضبوط ترتھیسن ۔ ترکی تے پاکستان ٻئے مسلم ملکاں دے نال او آئی سی تے اقوام متحدہ سودھے مختلف فورمزتے اسلاموفوبیا دا مقابلہ کیتا ۔ صدر مملکت آکھیے جو مشترکہ کاوشاں دی بدولت اقوام متحدہ 15 مارچ اسلاموفوبیا توں مقابلے دے عالمی ݙینھ دے طور تے مناوݨ دا اعلان کیتا ۔ اسلامو فوبیا پوری دنیا اچ بالخصوص بھارت اچ ودھدا پئے ، ہندوستان اچ سارے مذہبی اقلیتاں، خاص طور تے مسلماناں کوں بلا خوف و خطر ظلم و تشدد دا نشانہ بݨایا ویندا پئے بھارت اچ مسلماناں دے گھراں اتے عبادت گاہواں کوں مسمار کیتا ڳئے صدر مملکت سبکدوش تھیوݨ آلے سفیر کوں اسلام آباد اچ آپݨی مدت ملازمت دی تکمیل تے مبارخ ݙتی ۔ صدر مملکت پاک ترک ݙوطرفہ تعلقات کوں مزید مستحکم کرݨ اچ سفیر دے ذاتی کردار دی وی تعریف کیتی۔

مضمون کا ماخذ : گولڈ رش

متعلقہ مضامین