سمورن چئلينجز جي باوجود اسان انساني حقن جي تحفظ ۽ خلاف ورزين جي تدارڪ جي لاءِ قانوني، معاشي ۽ سماجي فريم ورڪ لاڳو ڪرڻ جي لاءِ پرعزم آهيون: صدر آصف علي زرداري

اسلام آباد – 10 – ڊسمبر (اي پي پي) صدر آصف علي زرداري چيو آهي ته سمورن چئلينجز جي باوجود اسان انساني حقن جي تحفظ ۽ خلاف ورزين جي تدارڪ جي لاءِ قانوني، معاشي ۽ سماجي فريم ورڪ لاڳو ڪرڻ جي لاءِ پرعزم آهيون، پاڪستان صوبائي حڪومتن، گڏيل قومن جي ايجنسين ۽ سول سوسائٽي جي تنظيمن سان گڏجي ڪمزور ڪميونٽيز جي تحفظ جي لاءِ ڪم ڪري رهيو آهي، پاڪستان پنهنجي عالمي ذميوارين کي پورو ڪرڻ ۽ ماڻهن جي حقن جي تحفظ جي لاءِ مسلسل قانوني ۽ انتظامي سڌارا ڪري رهيو آهي. صدر اهڙن خيالن جو اظهار انساني حقن جي عالمي ڏينهن جي موقعي تي پنهنجي پيغام ۾ ڪيو. هن چيو ته اڄ اسان معاشري جي هر سطح تي انساني حقن جي فروغ ۽ تحفظ جي عزم جو ورجاءُ ڪرڻ جي لاءِ انساني حقن جو عالمي ڏينهن ملهائي رهيا آهيون، 1948ع جو گڏيل قومن جو انساني حقن بابت عالمي پڌرنامو اسلام جي بيان ڪيل اصولن جي عڪاسي ڪري ٿو. صدر چيو ته پاڪستان جو آئين سمورن شهرين کي بنيادي حقن جي ضمانت ڏي ٿو ۽ اسان انساني حقن جي فروغ سان پنهنجي ماڻهن کي بااختيار بڻائڻ جي لاءِ پرعزم آهيون. هن چيو ته پاڪستان کي معاشري جي سمورن طبقن بشمول عورتن، ٻارن، بزرگ شهرين، خصوصي ماڻهن ۽ اقليتن جي حقن جي تحفظ جي اهميت جو مڪمل ادراڪ آهي. صدر چيو ته پختو يقين رکون ٿا ته جمهوريت، امن، آزادي ۽ انساني حقن جو هڪ ٻئي سان گهرو تعلق آهي ۽ عوام جي حقن جو تحفظ هڪ مستحڪم ۽ خوشحال ملڪ جي تعمير لاءِ لازمي آهي. صدر چيو ته سمورن چئلينجز جي باوجود اسان انساني حقن جي تحفظ ۽ خلاف ورزين جي تدارڪ جي لاءِ قانوني، معاشي ۽ سماجي فريم ورڪ لاڳو ڪرڻ جي لاءِ پرعزم آهيون، پاڪستان صوبائي حڪومتن، گڏيل قومن جي ايجنسين ۽ سول سوسائٽي جي تنظيمن سان گڏجي ڪمزور ڪميونٽيز جي تحفظ جي لاءِ ڪم ڪري رهيو آهي. هن چيو ته انساني حقن بابت قومي ڪميشن عورتن کي بااختيار بڻائڻ جو پئڪيج، انساني حقن جي لاءِ ايڪشن پلان ۽ ٽول فري هيومن رائيٽس هيلپ لائين (1099) جهڙا قدم انساني حقن جي تحفظ جي لاءِ پاڪستان جي عزم جا عڪاس آهن. پاڪستان پنهنجي عالمي ذميوارين کي پورو ڪرڻ ۽ ماڻهن جي حقن جي تحفظ جي لاءِ مسلسل قانوني ۽ انتظامي سڌارا ڪري رهيو آهي. آصف علي زرداري چيو ته انساني حقن جي عالمي ڏينهن تي اسان کي غيرقانوني طور تي ڀارتي قبضي هيٺ ڄمون ۽ ڪشمير ۾ پنهنجي ڀينرن ۽ ڀائرن کي نه وسارڻ گهرجي جن کي رياستي دهشتگردي جي بدترين شڪلين جو نشانو بڻايو ويو آهي ۽ انهن کي انهن جي سماجي، سياسي ۽ معاشي حقن کان محروم رکيو پيو وڃي. هن چيو ته اسان غزه ۽ ٻين والاريل فلسطيني علائقن ۾ اسرائيل پاران فلسطيني عوام جي نسل ڪشيءَ ۽ قتل عام جي پڻ شديد مذمت ڪريون ٿا، اسان عالمي برادري تي زور ڀريو ٿا ته اها فلسطين ۾ اسرائيلي ڏاڍ جي خاتمي لاءِ عملي قدم کڻي. صدر چيو ته اڄ جي ڏينهن اچو وچن ڪريون ته برابري، انصاف ۽ انساني وقار تي ٻڌل معاشري جي جوڙجڪ لاءِ انساني حقن جي تحفظ ۽ فروغ جي پنهنجي گڏيل ذميواري ادا ڪنداسين.

مضمون کا ماخذ : jogos de raspadinha

متعلقہ مضامین