ڏندن جي صحت لاءِ احتياط سڀ کان اهم آهي: صدر

APP52-291121 KARACHI: November 29 - President Dr. Arif Alvi addressing the gathering in the MoU signing ceremony between Alvi Dental Hospital and Bringing Smiles Ins. USA at Governor House. APP

ڪراچي – 29 – نومبر (اي پي پي) صدر ڊاڪٽر عارف علوي چيو آهي ته ڏندن جي صحت لاءِ احتياط سڀ کان اهم آهي، ڏندن جي صفائي جي حوالي سان عوام ۾ آگاهي پيدا ڪرڻ جي ضرورت آهي، ڊينٽسٽس کي مالي فائدي کي ترجيح ڏيڻ جي بدران معاشري جي ضرورتن ۽ عوام جي ڏندن جي صحت تي ڌيان ڏيڻ گهرجي، مريضن سان ديانتداري سان پيش اچڻ صحت جي شعبي سان تعلق رکندڙ ماڻهن جي بنيادي ذميداري آهي. اهڙن خيالن جو اظهار هن سنڌ جي گورنر هائوس ۾ علوي ڊينٽل اسپتال ۽ برنگنگ سمائلز انڪارپوريشن آمريڪا جي وچ ۾ مفاهمت جي يادداشت تي صحيح جي تقريب ۾ خاص مهمان طور خطاب ڪندي ڪيو، صدر ٻنهي اسپتالن جي وچ ۾ مفاهمت جي معاهدي کي ساراهيندي چيو ته ايم او يو ملڪ ۾ عام ماڻهن جي لاءِ سستي ۽ معياري ڏندسازي کي يقيني بڻائيندو، هن چيو ته ان منصوبي سان ملڪ ۾ سيڙپڪاري ايندي ۽ صحت جي شعبي سان لاڳاپيل ماڻهن جي لاءِ روزگار جا موقعا پيدا ٿيندا، ان موقعي تي علوي ڊينٽل اسپتال جي آواب علوي خطاب ڪندي چيو ته اهو منصوبو رات جي پيٽ ۾ شروع ناهي ڪيو ويو پر ان جي لاءِ ڪافي محنت ڪئي وئي آهي، هن چيو ته معاهدي تحت سڄي ملڪ ۾ ڏند ٺاهيندڙن جي ڪلينڪ قائم ڪيا ويندا، هن چيو ته مستند ڊاڪٽرن جي ڪا به کوٽ نه آهي، ان معاهدي سان بي شمار موقعا پيدا ٿيندا ۽ بهترين ڊاڪٽر ان منصوبي ۾ شامل هوندا جيڪي پاڪستان ۾ سستا ڏند ٺاهڻ کي يقيني بڻائيندا، برنگنگ سمائلز انڪارپوريشن آف يو ايس اي جي ڊاڪٽر انس اظهر ان موقعي تي خطاب ڪندي چيو ته ان منصوبي سان پاڪستان ۾ وڏي سيڙپڪاري متوقع آهي، هن چيو ته پاڪستان جي تقريبن 90 سيڪڙو آبادي ڏندن جي ڪنهن نه ڪنهن مسئلي ۾ مبتلا آهي، اهو هڪ وڏو چئلينج آهي ۽ ڏندن جي صفائي ۽ صحت جي حوالي سان عوام جي شعور پيدا ڪرن جي ضرورت آهي، علوي ڊينٽل اسپتال ۽ برنگنگ سمائلز انڪارپوريشن يو ايس اي جي وچ ۾ ايم او يو جي تحت گروپ جو نالو Inspire Dental (Network (Pvt.) Ltd (IDN) رکيو ويو آهي، آءِ ڊي اين پاڪستان ۾ وات جي صحت جي بهتري لاءِ ڪم ڪندو ۽ نوجوان ڏند ٺاهيندڙن کي معياري ۽ هڪجهڙي طريقيڪار سان نگراني ۾ پنهنجي ڪلينڪ قائم ڪرڻ ۾ سهولت فراهم ڪندو جيڪو حفظان صحت جي اعليٰ ترين معيار موجب هجي. آءِ ڊي اين پاڪستان ۾ ڏند ٺاهڻ جي شعبي ۾ ملڪ جي مستحق تعليم يافته ۽ تربيت يافته نوجوانن جي لاءِ معاشي ترقي ۽ روزگار جا موقعا پيدا ڪرڻ جي لاءِ ڪم ڪرڻ جو ويزن رکي ٿو، ايم يو اي تي علوي ڊينٽل اسپتال جي اواب علوي ۽ برنگنگ سمائلز انڪارپوريشن جي ڊاڪٽر انس اطهر صحيحون ڪيون جنهن جي صدر ڊاڪٽر عارف علوي ۽ خاتون اول ثمينه عارف علوي مشاهده ڪيو.

مضمون کا ماخذ : سائٹس de loteria confiáveis

متعلقہ مضامین