پی ٹی آئی دا سربراہ قوم کوں گمراہ کریندا پئے ،پوری قوم پاک فوج نال پیار کریندی اے ، وفاقی وزیر داخلہ رانا ثناءاللہ خان دی میڈیا نال ڳالھ مہاڑ

APP03-080822 FAISALABAD: Aug 08 - Interior Minister Rana Sana Ullah Khan is talking to media person's during visit to the residence of Brigadier Muhammad Khalid Iqbal in Sitara Valley Sheikhupura Road Faisalabad who was martyred along with 5 other Pak army officers during helicopter crash incident in Lasbela, Balochistan. APP photo by Tasawar Abba

فیصل آباد۔8اگست (اے پی پی):وفاقی وزیر داخلہ رانا ثناءاللہ خان آکھیے جو پی ٹی آئی دا سربراہ قوم کوں گمراہ کریندا پئے ،پوری قوم پاک فوج نال پیار کریندی اے ،وطن کیتے جان قربان کرݨ آلیں کوں سلام پیش کریندوں ،سوشل میڈیا تے ٹرینڈ چلاوݨ آلے گمراہ تھی ڳئن ،پرامن احتجاج ہر ھک دا آئینی اتے جمہوری حق اے تاں جو قانون ہتھ اچ گھنݨ آلیں نال 25 مئی توں وی زیادہ سختی نال نبݨیا ویسی ،لسبیلہ حادثے تے افواج دے خلاف ہرزہ سرائی کرݨ آلے تے ممنوعہ فنڈنگ کیس تے ݙو انجھ انجھ تحقیقات تھیندیاں پئن جیڑھا وی ایندے وچ ملوث تھیا ایں دے خلاف قانون دے مطابق کارروائی تھیسی ۔ فیصل آباد اچ میڈیا نال ڳالھ مہاڑ کریندے ہوئیں وزیر داخلہ آکھیے جو شہداء دے خانداناں کیتے کہیں قسم دی خدمت اساں کیتے باعث اعزاز ہوسی،ایں وطن دی حفاظت اتے قوم کوں مشکلات جیہی دہشت گردی ہووے،قدرتی آفات ہووے،،سانحات ہوون ایں وچ جنہاں اپݨی جاناں دا نذرانہ پیش کرتے اپݨی قوم تے ملک دا ناں اچا کیتے ،قوم دا سر فخر نال اچا کیتے انہاں کوں سلام پیش کریندوں ،اڄوکا لسبیلہ ہیلی کاپٹر حادثے دے شہداء کوں پوری قوم سلام پیش کریندی اے تے دعا گو اے جو اے جوان ایں طرح ساݙا سرچا کریندے رہن ۔انہاں آکھیے اے ڳاھ واضح کریندا ڄلاں جو 22 کروڑ عوام اچ کوئی ایجھا کائنی جیڑھا جو پاک فوج نال پیار نہ کریندا ہووے ،پاک فوج دے خلاف ایجھے ٹرینڈ چلاوݨ آلے گمراہ ہن،ٻہوں واری اے ڳالھ کیتی اے جو پی ٹی آئی دا سربراہ قوم کوں تقسیم تے نینگراں کوں گمراہ کریندا پئے ،قوم جے ایندا ادراک نہ کیتا تے آپݨا پاسہ سدھا نہ کیتا تاں ایں بندے کوں موقع ملیا تاں مزید قوم کوں ونڈ تے گمراہ کریندے ہوئیں ملک کوں کہیں حادثے نال ݙوچار کر ݙیسی ، انہاں آکھیے جیڑحے ٹرینڈ چلائے ڳئن ہر بندے تے پوری قوم ایں کوں رد کیتے ،معاشرے داکوئی حصہ ایجھا کائنی جیڑھا جو ایندی حمایت کرے۔

مضمون کا ماخذ : خداؤں کی عمر

متعلقہ مضامین