ترقی پذیر ملکاں دی مالی لوڑھ 100 بلین امریکی ڈالرز توں کتھائیں ودھ ہن، نگران وزیراعظم انوار الحق کاکڑ دا نفاذ دے ذرائع تے گلوبل اسٹاک ٹیک ہائی لیول گول میز اجلاس توں خطاب

دبئی۔2دسمبر (اے پی پی) نگران وزیراعظم انوار الحق کاکڑ موسمیاتی تبدیلی نال ٻݨݨ آلے بحران دی شدت کوں اجاگر کریندیں ہوئیں ودھدے ہوئے چیلنج نال نبڑݨ کیتے ترقی پذیر ملکاں کوں موسمیاتی مالیات ، صلاحیت سازی اتے ٹیکنالوجی سودھے نفاذ دے مناسب ذرائع ݙیوݨ دیلوڑھ تے زور ݙتا۔ وزیراعظم آفس دے میڈیا ونگ توں چھݨ چھݨ کوں جاری بیان موجب اے ڳالھیں وزیراعظم دبئی اچ ورلڈ کلائمیٹ ایکشن سمٹ (ڈبلیو سی اے ایس) اچ مینز آف امپلی مینٹیشن تے گلوبل اسٹاک ٹیک (جی ایس ٹی ) دے اعلیٰ سطحی گول میز مباحثے اچ شرکت دے موقع تے آکھی۔ گول میز مباحثے اچ ڳالھ مہاڑ کریندیں ہوئیں وزیراعظم موسمیاتی تبدیلی پاروں آوݨ آلے بحران دی شدت کوں اجاگر کیتا اتے ودھدے ہوئے چیلنجز نال نبڑݨ کیتے ترقی پذیر ملکاں کوں موسمیاتی مالیات، صلاحیت سازی اتے ٹیکنالوجی سودھے نفاذ دے مناسب ذرائع ݙیوݨ تے زور ݙتا۔ اے اعلیٰ سطحی تقریب COP28 اچ “مینڈیٹڈ ایونٹس” دی ہک سیریز دا حصہ ہئی جئیں اچ تقریباً 30 سربراہان مملکت/حکومت شریک تھیے۔

مضمون کا ماخذ : لافانی رومانس

متعلقہ مضامین