کراچی اچ کورونا وائرس دے مثبت کیسز دی شرح گزریل ترائے ݙینھ اچ 2 توں 6 فیصد تھی ڳئی اے ، این سی او سی

اسلام آباد۔3جنوری (اے پی پی):نیشنل کمانڈ اینڈ آپریشن سینٹر این سی او سی اچ سنوار کوں تھیوݨ آلے سویلے دے اجلاس اچ وبائی مرض دے چارٹ دے اعداد و شمار، قومی ویکسین دی حکمت عملی اتے پورے ملک اچ بیماری دے کھنڈݨ تے ڳال مہاڑ کیتی ڳئی اے ۔ این سی او سی دا اجلاس وفاقی وزیر منصوبہ بندی ترقی و خصوصی اقدامات اسد عمر، نیشنل کوآرڈینیٹر میجر جنرل محمد ظفر اقبال دی زیر صدارت تھیا جیں اچ وفاقی وزیر اقتصادی امور عمر ایوب خان اتے وزیر اعظم دے معاون خصوصی صحت ڈاکٹر فیصل سلطان شرکت کیتی۔ فورم ویکسی نیشن دے لازمی نظام دے حوالے نال سخت اقدامات کرݨ تے اتفاق کیتے۔ این سی او سی بیماری دے کھنڈݨ دا وی جائزہ ڳھدے اتے اے ڳال سامݨے آئی اے جو کووِڈ ۔19دی پنجویں لہر دے دوران اومیکرون ویریئنٹ تکھے کھنڈدا پئے ۔ گزریل ترائے ݙینھ اچ کراچی اچ مثبت کیسز دی ساریں توں ودھ تعداد دے نال مثبت تناسب 2 توں 6 فیصد تئیں پڄ ڳئے ۔ این سی او سی لوکاں تے زور ݙتے جو او کووڈ۔19 دی پنجویں لہر دے کھنڈݨ توں بچݨ کیتے ویکسین لواون، ماسک پاون اتے سماجی دوری برقرار رکھن۔

مضمون کا ماخذ : خون چوسنے والے II

متعلقہ مضامین