پاکستان ترقی آلے پاسے ٹردا پئے،اساں عوام دی خدمت کوں عبادت سمجھدے ہیسے،قومی منصوبیاں نال تبدیلی گھن امدے پیسے،نواز شریف کڈنی ہسپتال سوات دے افتتاح دے بعد وزیراعظم محمد نواز شریف دا جلسہ عام نال خطاب

سوات ۔ 20 مئی (اے پی پی) وزیراعظم محمد نواز شریف آکھیا جو پاکستان ترقی آلے پاسے ٹردا پئے،اساں عوام دی خدمت کوں عبادت سمجھدے ہیسے،قومی منصوبیاں نال تبدیلی گھن امدے پیسے،آپنڑاں آپنڑاں مقدر اے کوئی سڑکاں بنڑینداپئے اتے کوئی سڑکاں تے امدا پئے ،پاکستان اتے کے پی کے ترقی کریسی،کڈنی ہسپتال حکومت پنجاب ولوں سوات دی عوام سانگے تحفہ اے۔جمعہ کوں اتھاں کڈنی ہسپتال سوات دے افتتاح دے بعد وزیراعظم محمد نواز شریف دا جلسہ عام نال خطاب کریندیں ہوئیں انہاں آکھیا جو او پہلے وی کئی واری مینگورہ آئن،اج عوام دا جوش تے جذبہ دیندنی اے ۔انہاں آکھیا جو لوک جیڑھی تبدیلی دا خواب ڈیکھدے پئن او اتھ کائنی آئی جڈانجو ہنڑ انشاء اللہ امسی۔انہاں آکھیا جو اگر کجھ سال سبق سکھنڑ اچ لگ ویسن تاں کوئی فرق نی پمدا،اگر2013ء اچ لوک اتھاں دی صوبائی حکومت دی پارٹی دے جھانسے اچ نہ امدے تاں واقعی تبدیلی آویندی۔انہاں آخھیا جو میں مینگورہ کوں فضائی سفر ویلھے ڈٹے،اوہا پرانڑی سڑکا،عمارتاں ،پرانڑاں سیدو شریف،مینگورہ اتے سوات اے۔انہاں آکھیا جو اج عوام دا جذبہ ڈسیندا پئے جو انہاں کوں 2013ء دی غلطی تے پچھتاوا اے ،انہاں آکھیا جو اگر اتھاں دی صوبائی حکومت تبدیلی نہ گھن آئی تاں اساں گھن امسوں ۔انہاں آکھیا جو میں وزیراعلیٰ پنجاب شہباز شریف اتے وفاقی وزیر خزانہ سینیٹر اسحاق ڈار کوں مبارک ڈینداں جنہاں کڈنی ہسپتال آپنڑی ذاتی نگرانی اچ بنڑوایا۔انہاں آکھیا جو سوات اچ تریمتیں دی یونیورسٹی دا کیمپس بنڑایا ویسی،تریمتیں آپنڑی یونیورسٹی اچ پڑھیسن اتے نینگر آپنڑی یونیورسٹی اچ پڑھسن ،سوات اچ ٹیکنیکل ٹریننگ انسٹی ٹیوٹ بنڑایا ویسی۔انہاں آکھیا جو خوازہ خیلہ توں بشام تئیں چنگی سڑک بنڑائی ویسی۔انہاں آکھای جو سیدو شریف دے ایئر پورٹ کوں ولا فعال کیتا ویسی جتھاں اندرلے اتے باہرلے ملک پروازاں ویسن۔انہاں آکھیا جو کڈنی سنٹر ہسپتال سانگے عطیات ڈیونڑ آلیاں دا مشکور آں۔

مضمون کا ماخذ : sorteos میگا سینا

متعلقہ مضامین