د سېلاب اوبو خوندې كولو لپاره كوټلې ماحول دوست نظام معرفي كول غواړو

اسلام آباد 10 اکتوبر (اے پی پی)وفاقي وزير/ د وزيراعظم د موسمياتي بدلون په اړه صلاحكار ملك امين اسلم خان وئېلي دي د سېلاب اوبو خوندې كولو لپاره كوټلې ماحول دوست نظام معرفي كول غواړو٬دا به په معاشرتي لحاظ د قبلولو وړ او لګښت به يې هم د لږ نه لږ وي۔ده دا خبرې د سېلاب اوبو ذخيره كولو په اړه د غونډې مشري كولو په مهال وكړې۔په غونډه كښې د موسمياتي بدلون وفاقي سېكتر شاه رخ نصرت٬ايډېشنل سېكتر خرم علي آغا٬د ځنګلات آئي جي٬د منصوبه بندۍ او اقتصادي چارو٬د خزانې وزارت او د ډبليو ډبليو اېف استازو هم ګډون وكړو۔پھ دې موقع د ځنګلاتو انسپكټر جنرل سيد محمود ناصر غونډه د سېلابي اوبو په اړه د رام سر مشن د وړاندېزونو نه خبر كړه۔ملك امين اسلم خان ووئيل پاكستان د اوبو د كمي مسئلې سره نه دې مخ٬له بده مرغه د انفراسټركچر د نشت والي او د مس منيجمنټ له امله زمونږ ډېرې اوبه اباسين درياب ته لاړې شي۔ ده ووئېل پاكستان هغه خوش قسمته هېواد دے چرته چې اوبه ذخيره كولو لپاره وېټ لينټډز موجود دے او د كارولو سره ډېرې اوبه ذخيره كېدې شي او د ضرورت په وخت كارېدې شي۔پھ دې موقع د ډبليو ډبليو اېف استازو د فلډ رسك منيجمنټ پروژې په اړه تفصيلي بريفنګ وركړو۔دوي وفاقي وزير ته ووئيل شول مونږ د 8 ځايونو ټاكنه كړی چرته چې د سېلاب اوبه محفوظ كېدې شي۔وفاقي وزير ووئيل دا ښه پروژه ده خو د عملي كولو لپاره به فزېبلټي سټډي كول وي۔

مضمون کا ماخذ : prêmios dupla sena

متعلقہ مضامین