چیئرمین سینیٹ محمد صادق سنجرانی دا لیبیا اچ چھل پاروں تھیوݨ آلے جان تے مالی ضیان تے افسوس

اسلام آباد۔13ستمبر (اے پی پی):چیئرمین سینیٹ محمد صادق سنجرانی لیبیا اچ چھل دے نتیجے اچ تھیوݨ آلے جانی تے مالی ضیان تے ݙکھ تے افسوس کیتے ۔ سینیٹ سیکرٹریٹ توں جاری بیان موجب چیئرمین سینیٹ آکھیے اوکھے ویلھے پاکستان دے عوام اتے حکومت اپݨے لیبیا دے بھراویں دے نال کھڑن۔ انہاں اللہ تعالیٰ توں دعا کیتی جو ایجھی قدرتی آفت توں ساریں کوں محفوظ رکھن۔ انہاں چھل دے نتیجے اچ جاں بحق تھیوݨ آلے لوکاں دے درجات اتے لواحقین سانگے صبر دی دعا کیتی ۔ محمد صاد ق سنجرانی مزید آکھیے لیبیا دے بہادر عوام اپݨے روایتی عزم اتے برداشت توں ایں ناگہانی آفت دا مقابلہ کریسن ،پاکستانی قوم دیاں دعاواں لیبیا دی عوام اتے حکومت دے نال ہن ۔ انہاں آکھیے ماحولیاتی تبدیلیاں پاروں اقوام عالم کوں مسئلیں دا سامݨا اے ، پاکستان و?? ایندا شکار اے ۔ چیئرمین سینیٹ ماحولیاتی تبدیلیاں دے اثرات کوں گھٹ کرݨ سانگے عالمی سطح تے بین الریاستی تعاون کوں اہم قرارݙتے ۔ ڈپٹی چیئرمین سینیٹ مرزا محمد آفریدی، سینیٹ اچ قائد ایوان سینیٹر اسحاق ڈار، قائد حزب اختلاف سینیٹر ڈاکٹر شہزاد وسیم وی لیبیا اچ چھل دے نتیجے اچ تھیوݨ آلے جانی تے مالی ضیان تے ݙکھ تے افسوس کیتے ۔