این ڈی ایم اے دا اجلاس، ساوݨ دے مینھ تے سامݨے آندی صورت حال پاروں متعلقہ محکمیں وچال جڑت تے زور

اسلام آباد۔26جولائی(اے پی پی) نیشنل ڈیزاسٹر مینجمنٹ اتھارٹی ملک اچ ساوݨ دے مینھ پاروں سامݨے آندی صورتحال پاروں متعلقہ محکمیں وچال آپت اچ جڑت کوں تکڑا بݨاوݨ دی لوڑھ تے زور ݙتے تاں جو آفتاں نال نبݨݨ تے ہنگامی حالات دے منصوبیں دی تکمیل یقینی بݨائی ونڄ سڳے۔ ساوݨ دے حوالے نال صورتحال دے جائزے کیتے ٻدھ کوں سارے متعلقہ اداریں دے اجلاس دا انعقاد کیتا ڳئے جیں دی صدرات قائم مقام چیئرمین این ڈی ایم اے کیتی ۔اجلاس اچ محکمہ موسمیات پاکستان،فیڈرل فلڈ کمشن، پی ڈی ایم اے/ ایس ڈی ایم اے/ جی بی ڈی ایم اے،فیڈرل فلڈ ڈویژن،صوبائی اداریں،سپارکو اتے پی سی آئی ڈبلیو دے نمائندے شریک تھئے۔ قائم مقام چیئرمین این ڈی ایم اے اڄوکے ساوݨ دے مینھ اچ وݙے ڈیماں سودھے دریا وہݨ دا جائزہ ڳھدا ۔ محکمہ موسمیات پاکستان دی طرفوں سیشن اچ بریفنگ ݙیندے ہوئیں ݙسایا ڳئے پنجاب تے سندھ اچ ٻہوں مینھ وسیے ، 26جولائی توں یکم اگست پنجاب ،بلوچستان اتے خیبر پختونخواہ دے شمالی علاقیں اچ مزید ٻیا مینھ وسݨا اے ۔ صوبائی ڈیزاسٹر مینجمنٹ اتھارٹیز اڄوکے مینھ دے بعد امداد و بحالی دے اقدامات بارے تفصیلات ݙسائی ۔ فیڈرل فلڈ ڈویژن دی طرفوں ݙسایا ڳئے جو تربیلا ڈیم 81 فیصد اتے منگلا ڈیم 77 فیصد تئیں بھر چکئن ، انہاں آکھیے کہیں وی ہنگامی صورتحال نال نبݨݨ کیتے شاہدرہ پل دے نیڑے واقع دریائے راوی دے پاݨی دے لنگھݨ دی جاہ اتے منگلا ڈیم دے وہݨ دے رستے اچ موجود تجاوزات کوں ہٹاوݨ کیتے صوبائی ادارے اقدامات کرن۔ قائم مقام چیئرمین این ڈی ایم اے ہدایت کیتی اے جو متعلقہ محکمیں وچال جڑت کوں تکڑا بݨایا ونڄے تاں جو آفت نال نبݨݨ تے ہنگامی حالات دے منصوبیں دی تکمیل یقینی بݨائی ونڄ سڳے۔

مضمون کا ماخذ : میگا فارچیون

متعلقہ مضامین