وفاقی وزیر برائے اطلاعات تے و نشریات دی ریڈیو پاکستان اتے اے پی پی پشاور دی عمارتاں اتے دفتراں تے حملیاں دی مذمت، اے احتجاج نی فساد اتے دہشت گردی اے، مریم اورنگزیب

اسلام آباد۔10مئی (اے پی پی) وفاقی وزیر برائے اطلاعات تے نشریات مریم اورنگزیب ریڈیو پاکستان اتے اے پی پی پشاور دی عمارتاں اتے دفاتر تے پی ٹی آئی دے مسلح جتھیاں دے حملیاں دی مذمت کریندیں ہوئیں آکھیا جو پی ٹی وی، پارلیمنٹ اتے ٻی سرکاری عمارتاں تے حملہ کرݨ پی ٹی آئی دا وطیرہ اے، ملزماں کوں نہ صرف گرفتار کیتا ویسی بلکہ سرکاری نقصان وی وصول کریسوں۔ اے احتجاج نی فساد اے۔ بدھ کوں اپݨے بیان اچ وفاقی وزیر اطلاعات آکھیا جو جینویں پی ٹٰی وی اتے پارلیمنٹ تے حملہ کرایا ڳیا ہئی، اونویں عمران خان دے آکھݨ تے اڄ ریڈیو پاکستان اتے اے پی پی دے دفتر تےحملہ کیتا ڳے۔ انہاں آکھیا جو تریمتیں سودھےسرکاری عملے تے تشدد، بھن تروڑ اتے املکاں کوں نقصان پجاوݨ دہشت گردی اے۔ بھارت خوش تھیندا پے جو کشمیر تے خبراں چلاوݨ آلے ریڈیو کوں عمران خان دے حامیاں ٻھاہ لا ݙتی اے۔ وفاقی وزیر اطلاعات آکھیا جو پی ٹی آئی دے مسلح جتھیاں چاغی یادگار اتے ریڈیو آڈیٹوریم کوں ٻھاہ لاتی اے۔ وفاقی وزیر اطلاعات آکھیا جو ڈائریکٹر جنرل ریڈیو پاکستان کوں شرپسنداں دے خلاف ایف آئی آر درج کراوݨ دا آکھیے۔ شرپسنداں سرکاری نشریات وی رکواوݨ دی کوشش کیتی اتے تاراں کٹ ݙتی جیڑھا سنگین ریاستی جرم اے۔

مضمون کا ماخذ : لکی لیڈیز چارم

متعلقہ مضامین