نگران وزیراعظم انوار الحق کاکڑ دی صدارت 28ویں اقوام متحدہ کانفرنس آف پارٹیز کوپ۔28 بارے بین الوزارتی جائزہ اجلاس

اسلام آباد۔22نومبر (اے پی پی) نگران وزیراعظم انوار الحق کاکڑ آکھیا جو موسمیاتی تبدیلی پاکستان سویں ملکاں کیتے قومی سلامتی دا مسئلہ اے، پاکستان دا عالمی سطح تے موسمیاتی تبدیلی ودھاوݨ اچ ہک فیصد توں وی ڳھٹ حصہ ہووݨ دے باوجود پاکستان موسمیاتی تبدیلی توں ساریاں توں ودھ متاثر ملکاں اچوں اے۔ بدھ کوں وزیراعظم آفس دے میڈیا ونگ توں جاری پریس ریلیز موجب نگران وزیراعظم انوار الحق کاکڑ دی صدارت 28ویں اقوام متحدہ کانفرنس آف پارٹیز کوپ۔28 بارے بین الوزارتی جائزہ اجلاس تھیا۔ اجلاس اچ نگران وفاقی وزراء برائے خزانہ، خارجہ، توانائی، موسمیاتی تبدیلی، منصوبہ بندی اتے متعلقہ سرکاری افسر شریک تھیے۔ اجلاس دے شرکاء نال ڳالھ مہاڑ کریندیں ہوئیں وزیراعظم آکھیا جو جو موسمیاتی تبدیلی پاکستان سویں ملکاں کیتے قومی سلامتی دا مسئلہ اے، پاکستان دا عالمی سطح تے موسمیاتی تبدیلی ودھاوݨ اچ ہک فیصد توں وی ڳھٹ حصہ ہووݨ دے باوجود پاکستان موسمیاتی تبدیلی توں ساریاں توں ودھ متاثر ملکاں اچوں اے۔ نگران وزیراعظم دبئی، متحدہ عرب امارات اچ تھیوݨ آلی 28ویں کانفرنس آف پارٹیز دے یکم اتے 2 دسمبر کوں اعلیٰ سطح دے اجلاس اچ پاکستان دی نمائندگی کریسن۔

مضمون کا ماخذ : بونانزا

متعلقہ مضامین