حڄ دا وݙا رکن” وقوف عرفات” ادا، اللہ دا حکم دے جو سارے مسلمان ہک تھی تے راہون، خطبہ حج

مکہ مکرمہ۔27جون(اے پی پی) شیخ ڈاکٹر یوسف بن محمد سعید خطبہ حج ݙیندے آکھیے جو اللہ تعالیٰ سارے مسلماناں کوں ہک تھی راہون اتے کہیں وی تفرقے اچ نا پووݨ دا حخم ݙتے۔ میدان عرفات دی مسجد نمرہ توں شیخ ڈاکٹر یوسف بن محمدبن سعید خطبہ حج ݙتے جیکوݨ 30 لکھ توں ودھ عازمین سودھا پورے ڄق اچ وسݨ آلے مسلماناں ٹی وی تے براہ راست سݨیے۔ خطبہ حج دا ترجمہ اردو سودھا ڄڳ دیاں 20 زباناں اچ براہ راست نشر تھئے۔ شیخ ڈاکٹر یوسف بن محمد سعید خطبہ ݙیندے آکھیے جو ساریاں تعریفاں اللہ تعالیٰ کیتے ہین، اللہ تعالیٰ تفرقہ سٹݨ توں منع کیتے، انساناں کوں تقویٰ اختیار کرݨا چاہیدے، کݙاھیں وی کہیں معاملے تے کہیں ٻئے معبود کوں نا سݙیا ونڄے، مصیبت اتے پریشانی اچ اللہ تعالیٰ دو منہ کرݨا چاہیدے۔ انہاں آکھیا جو اوہے لوک کامیاب تھیندن ڄیڑھے اللہ دی رسی کوں مضبوطی نال پکری راہندن، اللہ دی عبادت ایویں کرو جیویں تساں اللہ کوں ݙیہدے پئے او، ایمان آلے لغویات اچ اپݨا ویلھا ضائع نئیں کریندے، ایمان آلے لوک اپݨی شہوات دے پجاری نئیں ٻݨدے، انسان کوں اوں ویلھے فضیلت ملدی اے ڄݙاں او اللہ توں ݙرݨ آلا ٻݨدے، کہیں عربی کوں عجمی، کہیں گورے کون کہیں کالے تے برتری کائنی، اللہ دی حدود دی حفاظت دا مطلب اے جو اساں صرف اللہ دی عبادت کرن، انسان نماز قائم کرے۔

مضمون کا ماخذ : اٹلانٹس کا بادشاہ

متعلقہ مضامین