وزیراعظم محمد نواز شریف دا نڑھ، کہوٹہ اچ وڈے عوامی جلسہ نال خطاب

نڑھ، کہوٹہ ۔ 4 نومبر (اے پی پی) وزیراعظم محمد نواز شریف آکھیا جو پاکستان اچ اقتصادی اتے دفاعی پِڑ اچ ترقی مسلم لیگ ن دے دور اچ تھئی اے،پگ اچالھنڑ آلا،یکا کوڑ الاونڑ آلا اتے غیر شائشہ بولی بولنڑ آلا کڈاہیں پاکستانی عوام دا لیڈر نی تھی سگدا،پاکستان ترقی اتے خوشحالی دی راہ تے ٹردا پئے ،مخالفین کوں ترقی ہضم نی تھیندی پئی اتے او ایندے اچ رپھنڑ پاونڑ دی کوشش کریندے پئن جڈانجو ترقی روکنڑ آلیاں کوں عوام مسترد کر ڈتے۔اے گالھیں انہاں جمعہ کوں نڑھ، کہوٹہ اچ وڈے عوامی جلسہ نال خطاب کریندیں ہوئیں آکھی۔جلسہ نال پاکستان مسلم لیگ ن دے چیئرمین راجہ ظفر الحق، وفاقی وزیر پٹرولیم و قدرتی وسائل شاہد خاقان عباسی اتے صوبائی وزیر راجہ اشفاق سروروی خطاب کیتا۔وزیر اعظم تحصیل ہیڈ کوارٹر ہسپتال کوں جدید بنڑاونڑ،12سکولاں کوں ہائی سیکنڈری سکول دا درجہ ڈیونڑ،کہوٹہ روڈ کوں ڈو رویہ کرنڑ،کہوٹہ ،کلر سیداں اچ 100کلو میٹر سڑکاں دی تعمیر سانگے فنڈز دی فراہمی دا اعلان کیتا۔وزیر اعظم آکھیا جو پاکستان مسلم لیگ ن آپنڑے ہر دور اچ حکومت اچ زندگی دے ہر شعبے کوں ترقی ڈتی اے،آپنڑے گزریل دور حکومت اچ ایٹمی دھماکے کر تے ملکی دفاع کوں نقابل تسخیر بنڑایا،ترقی تے خوشحالی سانگے موٹرویز بنڑائی۔انہاں آکھیا جو جڈاں اساں اقتدار سنبھالیا تاں ملک کوں معاشی مشکلاں،توانائی دی گھٹکی اتے دہشت گردی دے چیلنجز دا سامنڑاں ہئی جئیں دی فوری توجہ دی لوڑھ اے۔انہاں آکھیا جو اساں بجلی اتے گیس دے منصوبے شروع کیتے تانجو ملک توں توانائی دی گھٹکی دور تھیوے۔وزیر اعظم آکھیا جو بنیادی ڈھانچہ دی ترقی تے خصوصی توجہ ڈتی ویندی پئی اے،گوادر توں خنجراب تئیں سڑکاں بنڑایاں ویندیاں پئن جئیں نال پورے ملک دی عوام کوں فائدہ تھیسی۔انہاں آکھیا جو نڑھ دا علاقہ سوھنڑاں علاقہ اے ،خواہش اے جو اتھاں سیاحت کوں فروغ ملے اتے لوک مری اتے بئی سیاحتی جہیں آلی کار ایں علاقہ دی سیاحت واسطے وی آون۔انہاں آکھیا جینویں سوھنڑاں علاقہ اے اتھوں دے لوک وی سوھنڑے ہن ۔انہاںآکھیا جو پاکستانی سچے لوک ہن ،کوئی کوڑ الاونڑ آلا انہاں دا لیڈر نی تھی سگدا۔

مضمون کا ماخذ : estratégias para loteria

متعلقہ مضامین