دولت مشترڪه جي مبصر گروپ جي وفد سميت نگران وزيراعظم سان مُلاقات، نگران حڪومت ملڪ ۾ ڪامياب شفاف چونڊون منعقد ڪرڻ جي لاءِ هر ممڪن قدم يقيني بڻائي رهي آهي: انوارالحق ڪاڪڙ

اسلام آباد – 06 – فيبروري (اي پي پي) نگران وزيراعظم انوارالحق ڪاڪڙ چيو آهي ته نگران حڪومت ملڪ ۾ ڪامياب شفاف چونڊون منعقد ڪرڻ جي لاءِ هر ممڪن قدم يقيني بڻائي رهي آهي، 2024ع جي چونڊن جي شفافيت جي لاءِ عالمي مبصرن جي آجيان ڪريون ٿا. وزيراعظم آفيس جي ميڊيا ونگ پاران جاري پڌرائي موجب اهڙن خيالن جو اظهار هن دولت مشترڪه جي مبصر گروپ جي سربراهه ڊاڪٽر گُد لڪَ ايبيلي جانٿن سان سندس وفد سان گڏ ملاقات دوران ڪيو. نگران وزيراعظم وفد جي 2024ع جي چونڊن جي حوالي سان پاڪستان اچڻ جي آجيان ڪئي. نگران وزيراعظم دولت مشترڪه جي سيڪريٽري جنرل پيٽريشيا اسڪاٽ لينڊ جي پاڪستان ۽ دولت مشترڪه جي لاڳاپن ۾ مضبوطي جي لاءِ قدمن کي ساراهيو. نگران وزيراعظم چيو ته 2024ع جي چونڊن جي شفافيت جي لاءِ عالمي مبصرن جي اچڻ جي آجيان ڪريون ٿا، حڪومت عالمي مبصرن کي 2024ع جي چونڊن جي جائزي جي لاءِ سموريون سهولتون فراهم ڪندي. هن چيو ته نگران حڪومت ملڪ ۾ ڪامياب شفاف چونڊون منعقد ڪرڻ جي لاءِ هر ممڪن قدم يقيني بڻائي رهي آهي، نگران حڪومت هر پارٽي کي پنهنجي چونڊ مهم جي لاءِ موزون ماحول فراهم ڪري رهي آهي. هن چيو ته نگران حڪومت يقيني بڻائي رهي آهي ته اليڪشن ڪميشن کي ڪامياب شفاف چونڊون منعقد ڪرڻ جي لاءِ سموريون سهولتون فراهم ڪيون وڃن، 2024ع جي چونڊن ۾ اهو فيصلو عوام ڪندي ته پاڪستان جي قيادت ڪهڙي پارٽي جي حوالي ڪرڻي آهي. وفد جي سيڪريٽري جنرل دولت مشترڪه پاران نگران وزيراعظم کي خيرسگالي جو پيغام ڏنو. وفد 2024ع جي چونڊن جي شفاف انعقاد جي لاءِ اليڪشن ڪميشن جي انتظامن کي اطمينان جوڳو قرار ڏنو.

مضمون کا ماخذ : نتیجہ بہت زیادہ

متعلقہ مضامین